Ինչպես ընտրել գազաբալոն՝ չափ, տեսակ, գին

Տորոիդալ՝ «մեջի» և «դրսի»

«Մեջի» տորոիդալը (ներքին) դրվում է պահեստային անվի խորշում՝ բեռնախցիկը լրիվ ազատ է։ «Դրսի» (արտաքին) տարբերակը հատակի տակ է, մեքենաներին, որտեղ անվի խորշը դրսից է։ Չափերը 32-ից 89 լ, 26 000-ից 46 000 ֏։

Ցիլինդրական

15-ից 130 լ, դրվում է բեռնախցիկում կամ նստատեղի տակ։ Ամենամեծ ծավալը, ամենաէժանը լիտրի հաշվով (20 000–34 000 ֏), բայց տեղ է զբաղեցնում։ Ունիվերսալների, միկրոավտոբուսների, հին սեդանների ընտրությունը։

Քանի լիտր

Բալոնը լցվում է 80%-ով, ուստի 42 լ-ը իրականում 34 լ գազ է՝ 300–350 կմ։ 57 լ-ը՝ 45 լ, 400–450 կմ։ Ընտրեք ըստ նրա, թե ինչքան հաճախ եք ուզում լցնել, ոչ թե «ինչքան մեծ է»։

• Փոքր սեդան, քաղաք՝ 42 լ
• Միջին սեդան, կրոսովեր՝ 48–57 լ
• Մեծ մեքենա, երկար երթուղիներ՝ 60–65 լ տորոիդալ կամ 60–80 ցիլինդրական

Չափելուց առաջ

Տորոիդալի տրամագիծը (600, 630, 680, 720 մմ) պետք է տեղավորվի անվի խորշում, բարձրությունը (180–250 մմ)՝ հատակի տակ։ Մենք չափում ենք մեքենան, ոչ թե կատալոգը։

Գինը և փաստաթուղթը

Կատալոգում 52 բալոն է՝ դրամով գներով։ Բալոնի գնի հետ հաշվեք մուլտիփականն ու վկայականը (10 000 ֏)։ Յուրաքանչյուր բալոն գալիս է սերիական համարով և ենթակա է փորձարկման 2 տարին մեկ։